ວິຊາການປະກອບກິດຈະການ ສຶກສາລັກສະນະຂອງນັກປະກອບກິດຈະການ, ບົດບາດຂອງການປະກອບກິດຈະການໃນສັງຄົມ ແລະ ສຶກສາຂະບວນການປະກອບກິດຈະການໃນສະພາບການຕ່າງໆ. ວິຊານີ້ສຶກສາບັນຫາທີ່ປິ່ນອ້ອມການສ້າງທຸລະກິດໃໝ່, ຜົນປະໂຫຍດຂອງທຸລະກິດ, ກຳນົດແຫລ່ງຊັບພະຍາກອນທີ່ຈຳເປັນ, ຈັດຫາຊັບພະຍາກອນ, ການຕະຫລາດ, ໂຄງສ້າງການປະກອບທຶນ, ແລະ ດ້ານເຕັກໂນໂລຊີ. ນັກສຶກສາຈະໄດ້ລົງມືກະກຽມແຜນການປະກອບກິດຈະການຕົວຈິງ. ນອກນັ້ນ ວິຊານີ້ ຈະຊ່ວຍນັກສຶກສາຜູ້ທີ່ມີຄວາມມຸ້ງຫວັງຢາກສ້າງຕັ້ງທຸລະກິດ ເພື່ອໃຫ້ເຂົ້າໃຈລັກສະນະຂອງນັກປະກອບກິດຈະການ ແລະ ສະພາບການໃນການເປັນເຈົ້າຂອງທຸລະກິດ. ວິຊານີ້ ຈະສຸມໃສ່ການກຳນົດ ແລະປະເມີນໂອກາດເພື່ອດຳເນີນທຸລະກິດ, ຂຸດຄົ້ນທ່າແຮງດ້ານການປະກອບກິດຈະການ ຂອງນັກສຶກສາ, ແລະ ກະກຽມການສ້າງຕັ້ງທຸລະກິດໃໝ່.
ກຸ່ມວິຊາຂອງຫລັກສູດການປະກອບກິດຈະການ